Koffie Kantata

Bach se Koffie kantata is eintlik ’n wonderlike mini komiese opera. Lieschen is absoluut verslaaf aan koffie en haar pa, Schlendrian, is radeloos met haar gedrag. Sy plan? Hy verbied haar om te trou as sy nie van haar java-lus ontslae raak nie! Maar Lieschen het ’n plan. Kom kyk gerus wat gebeur! Die res van die program word gevul met liedere uit die musiekteater genre, waar almal ook net so gaande is oor koffie soos Lieschen. Kirsten Hutchinson (Amerika) vertolk die rol Lieschen, en bekende Suid Afrikaanse bariton Christiaan Snyman die rol van Schlendrian. Lokale tenoor Walter Fourie sing die rol van die verteller. Janette Rottcher is aan die stuur van die begeleiding.

Prys: R195.00