Die Ander Dogter - 13h00

’n Toyota Stellenbosch Woordfees-produksie.

’n Tienjarige meisie kom per toeval agter dat sy eintlik ’n ouer suster gehad het wat twee jaar voor haar geboorte oorlede is. Daardie meisie was die Franse skrywer Annie Ernaux, wat in 2022 die Nobelprys vir Letterkunde gewen het. Skielik besef Annie sy was nie haar ouers se enigste kind nie. Sy voel eerder soos iemand wat gekom het in die plek van ’n suster wat daar moes gewees het. Die afwesigheid van daardie kind hang steeds stil oor haar ouers se lewe en hul onuitgesproke hartseer. Dit laat Annie wonder: moes haar suster sterf sodat sy kon leef? ’n Fyn, aangrypende verhaal oor skuldgevoelens, familie en verlies.

Prys: R195.00